Jul
19th
Sun
19th
好多人話呢段片顯示個記者專業, 甚係同無線平反。
“咁辛苦, 都企出黎報新聞喎” 、”咁危險喎” … 係, 係好辛苦, 好危險, 但以呢條新聞黎講, 有必要要記者咁長時間在大風中用佢自己的身體去顯示風力之猛咩? 兩分幾鐘的片段, 大部份的資料反而係來自記者力竭聲嘶的講述; 但畫面的資訊, 頭一分鐘已交待晒了。再者, 係咪一定要影住一個記者力抗強風兩份幾鐘呢? 若影到其他市民、樹木、海港等的情況, 係咪有同樣甚至更好的效果呢?
以這一條新聞黎講, 用記者的安危黎較飛, 對電視台黎講快捷方便 (是旦?!), 係令記者好「辛苦」, 顯示記者很「盡責」, 甚至是很「有紀律」, 但若大家要見到記者冒不必要的險、受無甚價值的辛苦, 先至覺得佢地專業, 卻不是由新聞報道的內容黎衡量報道的價值, 難怪培養出「是是旦旦」的電視台。
youtube: “TVB記者潘蔚林專業報導風暴消息(就連鬼佬都走黎抽水贊同)”
